老婆成日擔心自己肥.
佢食完野, 就走去塊鏡面前,
拿起件衫, 照個肚仔!
死照爛照, 仿佛可以照細一樣!
過一陣, 佢就會話:
'死啦, 有肚腩啦!'
然後, 就嬲爆爆走去按摩椅坐,
開始按摩!
一路坐, 一路睇電視, 一路怨:
'最衰你啦, 攪到我咁夜食, 而家好肥啦!'
繼續坐.
開始忘情咁睇電視.
有時, 電視會播一D飲食節目, 介紹野食或餐廳!
老婆睇到津津有味, 開始眉飛色舞, 說:
'老公, 不如我地去試下囉, 好似幾好味咁!'
'好......好......'
我應道, 滴汗中.
起身.
佢走番去鏡前面, 又照.
好衰唔衰, 見到自己塊臉, 有D粒粒!
於是, 忘記肚仔, 開始死擠爛擠塊臉!
'都沖涼啦, 由得佢啦!' 我說.
'你唔明架啦! 我忍唔到架......'老婆應道.
最後, 本來沒問題既臉孔,
經過一番擠擠大行動, 變左一笪笪紅色!
仲樣衰!
外面照完, 仲要照入面!
入面即係佢會照埋個咀, 牙仔, 牙肉, 好PRO!
最頂唔順既係, 老婆有時會生痱滋!
生痱滋唔係問題, 但問題係老婆好ENJOY翻粒痱滋俾我睇!
我話唔睇, 好核突, 佢就話一定要睇, 仲必須凝視3秒!
我張欣欣咩場面未見過, 但近距離凝望痱滋真係第一次!
呢3秒, 是一生最長的3秒.
好不容易望完, 我入房, 喘息中.
老婆, 這時候,
卻從容地,
再走到按摩椅,
開始了第2次的按摩!
Search